Stonehenge

De Vicipedia
Jump to navigation Jump to search
Un foto de Stonehenge
Un mapa de Stonehenge; La locas gris conteni la altar, un monolito de ses tones de arenito micosa verde de Cimri

Stonehenge es un monumento preistorial en Wiltshire, England, 3 km ueste de Amesbury. Lo es composada de un anelo de petras stante, cada sirca 4 metres alta, 2.1 metres larga, e pesante sirca 25 tones. La petras es fundida en murones de tera en la media de la compleso la plu densa de la monumentos neolitica o de la eda de bronze en England, incluinte alga sentos tumulos.

La nom "Stonehenge" deriva de engles vea stan ("petra") e hencen ("pendente"). An si nun conose la intende de la monumento, la plu de eruditas crede ce lo es un combina de un templo su sielo, posible per sacrifias, e un oserveria astronomial. La petras es aliniada en la dirije de la leva de la sol en estate e la reposa de la sol en la inverno.

Arceolojistes crede ce lo ia es construida de 3000 a 2000 aec. La sirculo de fosos e rivas de tera, cual composa la fase la plu temprana de la monumento, ia es datida a sirca 3100 aec. Dati radiocarbonal sujesta ce la petras blu prima ia es erijeda entre 2400 e 2200 aec, an si los pote ia es erijeda tan temprana como 3000 aec.

Stonehenge ia es posible un area de entera a sua comensa. Depones conteninte osos umana dati de tan temprana como 3000 aec, cuando la fosos e rivas ia es prima escavada, e ia continua per a min un otra 500 anios.

Un de la monumentos la plu famosa en la Rena Unida, Stonehenge es videda como un icon cultural brites. Lo ia es protejeda legal de 1882, cuando la legi per proteje monumentos istorial ia es prima introduida en Britan. La loca e sua ambiente ia es ajuntada a la lista de Locas Eritada de Mundo en 1986. Stonehenge es la propria de la "Corona" (familia renal) e es manejada par Erita Engles. La area ambiente es la propria de la Fidusia Nasional.

Stonehenge ia deveni un loca de selebra per membros de relijios neopagan, en ajunta a multe turistes. La neopaganes tipal visita la monumento a dias spesial (tipal la solstisios e la ecuinotes, o otra dias importante per la cultivores orijinal de Britan).