Saladin

De Vicipedia
Jump to navigation Jump to search
Un depinta de Saladin

Saladin (An-Nasir Salah ad-Din Yusuf ibn Ayyub, arabi: صلاح الدين يوسف بن أيوب‎ / ALA-LC: Ṣalāḥ ad-Dīn Yūsuf ibn Ayyūb; Curdi: سەڵاحەدینی ئەییووبی‎ / ALA-LC: Selahedînê Eyûbî, 1137 - 1193) ia es la fundor de la dinastia Aiuban e la prima ci ia teni la titulo de la Gardor de la Du Mascitas Santa. Un muslim suni de etnico curdi, Saladin ia condui la campania militar contra la statos de la crusadores en la Levante. En sua rena, Saladin ia es descriveda como la Califa de Islam par fato, e a la culmina de sua potia, sua impero ia inclui Egipte, Suria, Mesopotamia alta, Hejaz, Iaman, Nubia, e partes de Africa norde.

Su la comanda de Saladin, la armada aiuban ia vinse la crusadores a la batalia de Hattin en 1187. Pos acel, e prende controla de Filastin, incluinte la site de Ieruxalim, de la crusadores, ci ia prende la area 88 anios plu temprana. An si la Rena Crusador de Ieruxalim ia continua esiste asta la sentenio 13 tarda, sua defeta a Hattin ia marca un momento desidente en sua desacorda con la potias muslim de la rejion.

Saladin ia mori en Dimashq en 1193, pos dona la parte la plu grande de sua ricias propre a sua popla. El es enterada en un mausoleo a lado de la Mascita Umaian en Dimashq. Saladin ia deveni un person multe importante en la cultures muslim, arabi, turces, e curdi, e ia es comun descriveda como la curdi la plu famosa en istoria.