Romani (popla)

De Vicipedia
Jump to navigation Jump to search
La migras de la romani en e tra Europa: Sentenio 12 - verde; sentenio 14 - blu; sentenio 14 tarde - purpur; sentenio 15 temprana - jala e ros; sentenio 16 - orania
Un vagon-casa romani en Deutxland

La romani es un etnico tradisional vagante, abitante la plu en Europa e la Americans e orijinante de India e Pacistan norde, pd Radjastan, Hariana, Pandjab, e Sind.

Studias jenetica ia confirma ce la romani ia veni de un sola grupo cual departi de India norde-ueste sirca 1500 anios pasada. La rexerca en la Jornal European de Jenetica Umana ia indica ce supra 70 persento de omes romani parteni a un sola linia jenetica cual pare unica a la romani. Sirca un mil anios a ante, los ia ariva a Europa. Los ia es asosiada con un otra grupo indo-arian, la dom.

De la sentenio 19, alga romani ia migra ance a la americas. Lo es estimada ce un milion romani abita en la SUA e 800,000 en Brasil. Brasil inclui ance un comunia notable desendeda de persones deportada par la Impero Portuges en la incuisisio en Portugal. De la sentenio 19 tarde, la romani ia migra a otra paises en America Sude e Canada.

En Febrero 2016, en la Confere Roma Internasional, la Ministro Indian de Consernas Esterna ia declara de la popla de la comunia de romani es enfantes de India. La confere ia fini con un recomenda a la governa de India per reconose la comunia romani, sperdeda tra 30 nasiones, como un parte de la diaspora indian.