Revolta en Gwangju

La Move Democrata de Gwangju, conoseda ance como la Move Democrata de 18 Maio en Corea Sude, ia es un serie de protestas gidada par studiantes en Gwangju, Corea Sude en maio 1980, contra la colpa de stato de Chun Du-hwan. La revolta ia es violente supresada per la militares.

Ante la revolta, a fini de 1979, Chun Du-hwan ia lansa la colpa de stato de 12 desembre e catura la potia de governa. En 1980, Chun ia causa la colpa de stato de 17 maio per deveni autocrata militar. El ia esecuta la lege militar e aresta persones oposante.

Studiantes de la Universia Nasional de Chonnam ia protesta contra la lege militar, e la militares ia fusili, mata, bate e tortura studiantes protestante. Sitadanes de Gwangju ia reata a la protesta de studiantes, comensa usa armas e forma militias. Le protestores ia ataca stasiones de polisia e armerias, ma no ia pote controla la urbe entera ante ce soldatos ia reentra la urbe e supresa la revolta.

Su la autocrasia militar de Chun Du-hwan, la governa de Corea Sude ia eticeti la revolta como un tumulta provocada par la governa de Corea Norde. An tal, en 1997, cuando Corea Sude ia reali un politica democrata, 18 maio ia es instituida como un dia nasional de onora, e un semetero nasional per la vitimes ia es fundida.