Retoromanica

De Vicipedia
Jump to navigation Jump to search
La estende presente de la poplas retoromanica, como indicada par la linguas
Cultiverias ladin
Chalandamarz, un festa de la popla romans
Un vista de Friuli

La poplas retoromanica ia abita un area grande en la Alpes sentral-este sirca 1000 ec, estendente de Suiz sude-este (Canton Ticino e Canton Grisons), tra la Alpes de Italia norde e Osteraic sude-ueste, a la Alpes Julian de Slovenia ueste). Oji, los es plu sperdeda, e sua area es plu restrinjeda, ma sua cultures e linguas flori ancora en la mesma area.

On ave teorias variosa de la jenese de esta poplas. Seguente un teoria, la Ladin de la Alpes este deriva de la popla norica ci refuja en la vales de la Alpes este de la sentenio sinco, fujinte la invades de la rugis, avares, e Slavicas. Esta grupos, juntada con poplas celta preesistente ia es nomida par popla germanica como "Welsch", ma la popla mesma definida se como latina. Seguente la istoriste Carlo Battisti, la vales de Sella ia es colonida par campanianes neolatina sola du o tre sentenios pos 1000 ec, enviada a esta vales par la potias feudal-relijiosa de Bressanone, Novacella, e Castel Badia.

La teoria plu asetada oji es ce la abita par esta poplas en la vales de la Alpes ia continua de tempos roman. Con la concista de la Alpes par Roma, la lingua latina ofisial sur sustratos diferente de linguas celta, retica, e norica, cual ia developa a linguas latina "vulgar" (rejional). De esta fundas ia emerji la tre areas neolatina: la romanses, la ladines, e la furlanes.

Pos la cade de la Impero Roman Ueste, la rejion ia estende, sin fesur, de Grisons a Friuli. En la sentenios seguente, la poplas ia frati e, sin strutures sosial e political comun, los resta menasada par presas forte demografial, cultural, e linguistica de poplas esterna.

En la sentenio 5, su la proteje de la ostrogotos, la alemanes ia colonia la provinse de Retia Secunda, entre la Rio Reno e la lago Bodenzee. La Alemanes ia atenta repetente per estende sua presente ultra la bordas de la teritorios asiniada a los par Theodoric la grande, e los ia comensa disputa con la poplas retoromanica, ci ia es capas per manteni sua identia cultural. Ma en la teritorio de Tirol sude, la baieres ia coloni la vales major e forsa se sur la poplas local.

La inclui de la areas alpan en la Rena Franco e alora en la Impero de Carlos la grande ia cambia plu la strutur political e cultural de la rejion. Potia political ia es sentrida e donada como feudos a la aristocratas deutx. Alora ia comensa un prosede lente de asorbe cual ia resulta, tra la sentenios, en un redui gradal de la area retoromanica.

En la teritorio de Tirol sude, la usa de linguas germanica de la eda medieval temprana, comensante de la vales major, ia ateni un crese de la potia de la deutxes en la sentenios 12 e 13. An tal, en la sentenio 17, alga areas periferial resta retoromanica, e la domina de la deutxes no ia esclui la presentia de grupos de retoromanicas.

De la sentenios prima pos 1000, la area de retoromanica ia es ance reduida par la avansa de la poplas de Italia, spesial de Trentino, Lombardia, e Venetia. Asta la sentenio 18, esta prosede resulta en multe asorbe cultural, con la tendes a nasionalisme en Italia no ia comensa. Ma en esta mesma periodo, la popla retoromancia ia comensa senti sua propre identia e un desira per respeta per sua tradisiones cultural e sua linguas