Pueblo

De Vicipedia
Jump to navigation Jump to search
Taos Pueblo
Fema zuni
Un depinta de la pueblo de taos, par E. I. Couse

En la SUA sude-ueste, la parola "pueblo" refere a la comunias de americanes orijinal e la popla ci abita ala, en la presente e en edas antica. La concistores espaniol de Espania Nova norde ia usa esta parola per descrive la comunias abitante en strutures aparte construida de petra, la arjila adobe, e otra materias local. Esta strutures ia es plu comun construidas de multe niveles, ensircante un plaza abrida. La salas ia es asedable sola par scalas de la abitores, en esta modo proteje los de intruores. Pueblos plu grande ia es abitada par sentos a miles de persones. Tribus reconoseda par la governa federal de la SUA ia abitada en pueblos de tal desinia.

La parola es la parola espaniol per vila e per popla (como un nasion). Lo es derivada de la parola latina populus, sinifiante popla. Esta comunias es locida en la teritorio sededa par Espania e Mexico en la sentenio 19 temprana. 21 pueblos es reconoseda par la governa federal de la SUA:

La popla hopi parla un lingua de la familia uto-asteca, cual inclui multe tribus grande en la Basin Grande, Mexico este, e la 2 milion persones nauatl, plu bon conoseda como la astecas. Ma la cultur de la hopis es plu como la otra popla pasosa de la pueblos.

La popla tanoan es divideda entre

  • la popla toua (o jemez), sirca 3,000
  • la popla tiua (taos e tiua pueblos) sirca 2,600
  • la popla teua (o tano) sirca 1,600

La popla caioua (kiowa) de Oklahoma es relatada, ma los ia es nomadas en la pasada e no construi pueblos.