Poesia medieval franses

De Vicipedia
Jump to navigation Jump to search

La poesia medieval franses refere a la obras poesial produida en Frans en la eda medieval.

Lo es en la sentenio 12 cuando, junta a la poesia instruinte, a la poesia epica, a la poesia dramal o relijiosa, on developa la prima poesia lirica franses. Lo es un poesia do on espresa un "me" personal. Ma esce on pote vide en esta poesia nova un atenta de libri se de la jeneros codigida sosial e ideolojial?

Car la lirisme no es sola espresa de ama. Si el xerca espresa tota la sensosia personal de la poesiste, el lo fa con la xerca de musicalia. Vera, la trouvères e menestreles es xef poesistes musical, e la poesia lirica medieval va depende de la musica medieval.

La poesia lirica medieval es ance debente a la poesia latina tarda, cual continua sua evolui en paralel, con poesistes como Venance Fortunat o la promove de la goliardes.

Influeda par la renovi de la culto a la Virjin en la sentenio 12 e la poesia arabi, esta menestreles en lingua ositan ia crea un estetica refinada per canta la ama. Lo va es la fin'amor o ama de cortea.

Un sentenio plu tarda, la trouvères' en lingua d'oïl (franses antica), va developa esta liricisme a norde de Frans. En la sentenio 14, la poesia lirica vole distingui se de la jeneros musical dominada par la composor Guillaume de Machaut, en cuando a la mesma tempo empresta de lo la formas popular de la canta, la rondo e supra tota, la balada.

La sentenio 14 es traversada par un corente de espresa plu formal, cual esplora la posiblias de esta lingua nova cual es franses. Contemporas de François Villon, retoricistes importante como Jean Molinet e Jean Meschinot previde la spirito de la Renase.