Perde de libros en la Anticia tarda

De Vicipedia
Jump to navigation Jump to search

La perde de libros en la Anticia tarda (periodo entre la fini de la sentenio 3 e la fini de la sentenio 6) representa un perde nonreparable de erita cultural de la Anticia clasica. Par esta perde de transmete de multe de la leteratur elinica e latina de Anticia, la numero de obras cual ia ariva a la eda contempora es multe peti. Plu de la testos transmeteda ia es trovada en copias medieval, e la fratos orijinal de la testos antica es mantenida en numeros multe peti.

La causas de esta perdes masosa es variada e debateda. Un comensa pote es videtada en la crise de la sentenio 3 de la Impero. On nota la destruis sistemosa de scrives cristian en la persegue a la cristianes, como ance de aceles scrivedas pagan a pos la cristiani de la Impero Roman. Otra causas pote es nomida: la colasa cultural e la desordinas de la invades grande, xef en la Ueste, do la colies rica de libros ia es vitim de la combates, e do la elites inteletosa ci an ia ave la taxe de transmete cultural ia desapare. La cambias de suporta - como la pasa de papiro a pergamin, o la de volum a la manoscrito - como ance canones leteratural e la eruditia ia formi otra ostaculos. La transmete de la obras ta es interompeda si los no ia es recopiada sur suportas nova, e tal los ia desapare de la canon.

En cuando en la Impero Bizantian, la tradision de obras de Anticia ia es plu o min conservada asta la cade de Constantinopoli, en la Ueste Latina, sola un elite peti de persones rica e educada ia manteni un parte peti de la erita leteratural de Anticia. En este sirculo on pote conta Casiodoro, ci ia veni de un familia de la Senato, e ci ia colie en la sentenio 6 la restas cual ia es ancora asedable a el de leteratur antica, e ci ia fundi la produi medieval de libros en un monceria en Vivarium.

Es spesial en la sentenios 7 e 8 ce la manoscritos de la testos clasica e an de alga autores cristian, ia es partal canselada e rescriveda. Lo es esta colie peti de esta manoscritos latina antica ancora conservada con la testos de la autores clasica cual on pote trova en la forma de suprascrivedas.

La renase carolingian cual ia segue, en la cual la produi de manoscritos de testos clasica ia reemerji, es la plu importante per la transmete.

La causas per fa la suprascrivedas es multiple. Prima, en jeneral, par causas material, como la custa de la suporta, cambias en scrive, o simple la cambia de interesas, ma ance consernante la testos clasica e razonas erese relijial.

La resultas de la perde de partes grande de la leteratur antica es considerable. Sola par la inventa de la primador en la sentenio 15 la testos antica ia es gradal disponable en la sirculos cresente de lejores. Multe de la atenis de la tempos moderna ia es stimulada direta o nondireta par esta testos. La ricia de la bibliotecas de la tempos moderna sola pote compara con aceles de la Anticia de la sentenio 19.

Vide ance[edita | edita la fonte]