Pentecostisme

Pentecostalismo, ance conoseda como pentecostalismo clasica, es un movemente en la ala evanjelial de la cristianisme protestante cual asentua la esperia personal e direta de Dio par la batismo con la Spirito Santa. La terma "pentecostal" deriva de Pentecoste, un aveni cual conmemora la desende de la Spirito Santa sur la apostoles e otra seguores de Jesu Cristo en Jerusalem en la Festa de Semanas, como descriveda en la Atas de la Apostoles (Atas 2:1–31).

Como otra formas de protestantisme evanjelial, pentecostalismo adere a la nonerrorantia de la Biblia e la nesesa de es "naseda de novo": ce un individuo repenti de sua pecas e "aseta Jesu Cristo como sua Senior e Salvor personal". Lo es distinguida par la crede en e la "batismo en la Spirito Santa" e la batismo par acua, cual abilita un cristian per "vive un vive plenida e fortida par la Spirito". Esta fortia inclui la usa de donadas spirital, como la parla en linguas e la sania divin. Par causa de sua dedica a la autoria biblial, la donadas spirital, e la miraculos, pentecostales vide sua movemente como un reflexe de la mesma potia spirital e instruis cual ia esiste en la Era Apostolal de la Eglesa de Comensa. Per esta razona, alga pentecostales usa ance la termas "Apostolal" o "Evanjelio Plena" per descrive sua movemente.