Model:Bon article/8

Con la orolojo de la alta e sinistra: Catedral de Cristo la Salvor, Tore Spasskaya de Kremlin, la Sentro de Comersia Internasional de Moscva, Plaza Roja, Teatro Bolxoi, e la Universia de Stato de Moscva

Moscva (en rusce: Москва, Moskva, AFI: [mɐˈskva]) es la capital e la site la plu grande de Rusia. Es ance un area urban la plu grande entre la capitales de Europa e sta a lado de los la plu grande en la mundo. Moscva es la sentro economial, cultural, relijios, finansial, e ance de instrui e transporta de Rusia e, de la mundo, un site global. Es un site sete per se grandia entre la sites la plu grande. La cuantia de abitores ia es 10,524,400 en junio de la anio 2009.

Bandera de Moscva

Moscva es locada sur ambos la rivas de la parte sentral de la rio Moscva en la parte europal de Rusia. La site sta supra la junta de tre platformas jeolojial. Historial, Moscva ia es la capital de la Uni de Republicas Sosialiste Soviet, de la Impero Rusce, de la Rena Tsaral, e de la Duxia Grande de Moscva. En nos tempos la person major de governa, ci es Presidente, ave se loca de labora e de abita en Kremlin de Moscva, ce es un de la construidas de erita cultural de la mundo.