Michel de Montaigne

De Vicipedia
Jump to navigation Jump to search
Michel de Montaigne
Michel de Montaigne 1.jpg

Informa personal

Otra informas

Profesa: Filosofiste, scrivor, umaniste
Move: Umanisme, seticisme filosofial


Michel Eyquem de Montaigne (franses: [miʃɛl ekɛm də mɔ̃tɛɲ]) ia es un de la filosofistes plu sinifiante de la Renase franses, conoseda per crea la jenero de leteratur conoseda aora como la esajo. Sua obras ia es notada per sua misca de racontas casual e autobiografia con intuis seria inteletal. Sua obra enorme Essais conteni alga de la esajos la plu influente sempre scriveda. El ia nase a 28 febrero 1533 en la castel de Montaigne, Saint-Michel-de-Montaigne, prosima a Bordeaux, e ia mori a 13 setembre 1592 en la mesma loca.

Montaigne ia ave un influe direta sur scrivores de la ueste, incluinte Francis Bacon, René Descartes, Blaise Pascal, Jean-Jacques Rousseau, Albert Hirschman, William Hazlitt, Ralph Waldo Emerson, Friedrich Nietzsche, Stefan Zweig, Eric Hoffer, Isaac Asimov, e posible incluinte la obras tarde de William Shakespeare.

En sua propre vive, Montaigne ia es amirada plu como un statiste ca un autor. La tende en sua esajos per vaga a racontas e remasticas personal ia es videda como ferinte a un stilo coreta e no como un inova, e sua declara ce "me es me mesma la sujeto de mea libro" ia es videda par sua contemporas como autoregalante. Ma, pos tempo, Montaigne ta es reconoseda como corpi, posible plu bon ca cualce otra autor de sua eda, la spirito de duta libre cual ia comensa emerje alora. El es la plu famosa per sua nota scetical "Que scay-je" (pd "que sais-je?" en franses moderne, o "cual me sabe?" en lfn).

Alga sitas[edita | edita la fonte]

An si nos es bon montada sur gamones, nos debe pasea ancora sur nosa propre gamas. E an si nos sede sur la trono la plu alta en la mundo, nos debe sede ancora sur nosa propre culo.
Tota otra sabe es nosiva a el ci no ave la sabe de bonia.
Vive tan longo como tu desira, tu no va sutrae cualce cosa de la tempo ce tu pasa mor.
Perce un ganso no pote dise esta: "Tota partes de la universa relata a me: la tera furni un surfas sur qual me pote pasea; la sol lumina me; la stelas ave sua influe sur me; me benefica de la ventas e de la acua; la teto de sielo regarda nun tan favoreda como me. Me es la amada de Natur! Esce la om no es el ci manteni e servi me?"