Linguas torricelli

La linguas torricelli es un familia de sirca 50 linguas de la costa norde de Papua Gine Nova, parlada par sirca 80,000 persones Los es nomida per la Montes Torricelli. La lingua la plu bon conoseda e con la plu parlores es arapex, con sirca 30,000 parlores. La parlores de linguas de esta familia abita tre areas jeografial separada. Los ia es probable separada de lunlotra par la migras de la parlores de la linguas sepic alga sentenios ante aora.

La relata esterna la plu posible es con la linguas sepic. En reconstruis de ambos familias, la pronomes ave un sufisa plural *-m e un sufisa duple *-p.

La linguas torricelli es nonusual entre la lingua papuan en ave un ordina per proposas de SVO (sujeto-verbo-ojeto), en cuando la plu linguas papuan ave un ordina de SOV. En la pasada, linguistes ia crede ce la ordina nonusual ia es la resulta de contata con linguas autronesian, ma aora los pensa ce lo es plu probable ce la ordina SVO ia es presente en la protolingua de la linguas torricelli.

Per compara, Ross ia reconstrui la pronomes per prototorricelli:

me	*ki	nos du	*ku-p	nos	*ku-m, *əpə
tu	*yi, *ti	tu du	*ki-p	vos	*ki-m, *ipa
el (mas)	*ətə-n, *ni	los du (mas)	*ma-k	los (mas)	*ətə-m, *ma, *apa-
el (fema)	*ətə-k, *ku	los du (fema)	*kwa-k	'los (fema)	*ətə-l

Referes

Malcolm Ross (2005). Pronouns as a preliminary diagnostic for grouping Papuan languages ("pronomes como un diagnose inisial per categori la linguas papuan") En: Andrew Pawley, Robert Attenborough, Robin Hide and Jack Golson, eds, Papuan pasts: cultural, linguistic and biological histories of Papuan-speaking peoples ("la pasadas papuan: istorias cultural, linguistical, e biolojial de la poplas parlante papuan"), 15-66. Canberra: Pacific Linguistics.