Lamaria

De Vicipedia
La montanias de Sveti

Lamaria (ance "Lamara" o "Lamia"; cartuli: ლამარია) es un diva en mitolojia cartuli, spesial en la etnico svan. Como multe otra dios de la panteon svan, sua nom es derivada de un person santa en cristianisme: Maria (madre de Jesus). Lamaria es un diva de la ximineria, un protejor de boves, e un protejor de femes, spesial en pari. El serti ance la fertilia de la campos de gran de la vileta. El ia es ance regardeda como la matron de abeoria, an si esta rol ia es plu tarde asiniada a la interpreta svan de San Jorjio.

Lamaria es categorida jeneral oji como un diva de la roles e locas de femes. El ia es respetada par femes o en sua casas en la asentia de omes (la "interna de la interna"), o en santerias peti en locas nonabitada estra la bordas de la vila (la "esterna de la esterna"). Esta ia es contrastada con la rituos relijial presentada par omes per roles mas, cual es presentada o a rituos publica estra la casa, o en eglesas distante sur la lados de montes (la "esterna de la interna" e la "interna de la esterna", en esta ordina). Ofres a Lamaria ia inclui stofa, joalas, e perlas. A veses, ximinerias peti e portable ia es usada per rituos a estra cual envolve Lamaria.