Invade anglosason en Britan
La invade anglosason de Britan ia es un prosede, de la media de la sentenio 5 asta la temprana de la sentenio 7, par cual la lingua e cultur de la plu de England ia cambia de roman-brites a germanica, seguente la retira roman en la temprana de la sentenio 5.
Fondo[edita | edita la fonte]
En 400, la provinse roman de Britan (tota la area a sude de la Muron de Adriano) ia es un parte periferial de la Impero Roman en la ueste, perdeda a veses par causa de rebelas o invades, ma asta alora sempre final reganiada. La sicle de perde e regania ia colasa en la desenio seguente. A fini, sirca la anio 410, an si la potia roman ia resta importante tra tre jeneras plu, Britan ia fuji de la controla imperal direta e ia entra a un fase nomida como "posroman".