Fernando Magallan

De Vicipedia
Jump to navigation Jump to search
Hernando de Magallanes del museo Madrid.jpg

Fernando de Magallanes (o Fernão de Magalhães en Portuges) (primavera 1480 - 27 april 1521) ia es un esploror de Portugal ci ia atenta descovre un via ueste a la Isolas de Spisa (Indonesia moderna) per la re de Espania. Se viaja ia es la prima atenta conoseda a sirconaviga la mundo. Magallanes no ia fini la viaja se mesma. El ia es matada en la Batalia de Mactan en la Pilipinas. El ia es ance la prima person ci ia condui un mision de Europa a Asia par viaja a la ueste, e la prima person ci ia traversa la Mar Pasifica. Plu, el es la prima esploror ci entra la Mar Pasifica de la Streta de Magallan, ce el ia descovre, e la prima european ci atera a la Pilipinas. (Nota ce la mercatores de Arabia ia vade ala multe sentenios ante Magallan.) De la 240 membros de se ecipo ce ia vade orijinal con Magallan, sola 18 fini la sirconaviga de la mundo e ia reveni a Espania en 1522.

Vive temprana[edita | edita la fonte]

Magallan ia nase en la norde de Portugal, o en Vila Nova de Gaia, sirca Porto, o en Sabrosa, sirca Vila Real. El ia es fio de Rodrigo de Magalhães, Alcaide-Mor de Aveiro e sua sposa Alda de Mesquita.

En marto 1505 con la eda de 25 anios, Magallan ia enscrive en la flotila de 22 barcones enviada per ospita Sir Francisco de Almeida como la visre de Barat portuges. An si sua nom no apare en la arcivos, lo es conoseda ce el ia resta ala oto anios, en Goa, Cotxin e Cilon. El ia partisipa en diversa batalias, incluinte la batalia de Cananore en 1506, do ia es ferida. En 1509 el ia luta en la batalia de Diu. El plu tarda ia naviga su Diogo Lopes de Sequeira en la ambasada portuges un a Malacca, con Francisco Serrão, sua ami e posible sua cusin. En setembre, a pos arivante a Malaca, la mision ia es vitim de un conspira e ia debe retira. Magallan ia ave un rol esensal, avertinte a Sequeira e salvante a Francisco Serrão, ci ia atera ja.