Eruditas bizantian en la Renase

De Vicipedia
Jump to navigation Jump to search
Un de la manoscritos par Jorjio Gemisto (Pleton), en elinica, scriveda a la comensa de la sentenio 15.

La ondas de migra de eruditas bizantian en la periodo seguente la saca de Constantinopoli par la crusadores e la fini de la Impero Bizantian en 1453, es considerada par multe eruditas como la clave per la revive de studias elinica e roman cual ia gida a la developa de la umanisme de la Renase e de siensa. La migrores ia es gramaticistes, umanistes, poesistes, scrivores, primores, enseniores, musicistes, astronomistes, arcitetores, academicistes, artistes, scrivistes, politicistes e teolojistes. Los ia trae a Europa ueste la restas de la sabe cumulada, de sua sivilia elinica, relativa bon conservada, ma cual no ia survive ja en la eda medieval en la ueste.

Sua rol xef en la umanisme de la Renase ia es ensenia la lingua elinica a sua corespondentes ueste en universias o en privata junta con la estende de la testos antica. Sua presedores ia es Barlaam de Calabria (Bernardo Messari) e Leonzio Pilato, ambos de la Calabria bizantian en Italia sude. La efeto de esta du eruditas sur la prima umanistes de la Renase ia es nondisputable.

La Collegio Pontifico Greco ia es fundida par Gregorio 13, ci ia institui un universia en Roma per reseta elinicas joven parteninte a cualce nasion en cual la Rituo Elinica ia es usada, e donce para refujadas elinica en Italia. Esta jovenes ia debe studia siensas de relijio, per estende plu tarda la sabe santa e nonsanta entre sua paisanes e fasili la reuni de la eglesas fendente. La construi de la Universia e Eglesa de San Atanasio, unida par un ponte sur la Via dei Greci, ia comensa direta. En acel mesma anio (1577), la prima studiantes ia ariva, e asta la completi de la universia los ia es casida a otra parte.

En ajunta a la italianes sude ci ia abita la teritorios pasada bizantian de la penisola e Sisilia cual ia es relatada con la cultur bizantian (e ia parla ancora elinica en multe areas), en 1500 on ia ave un comunia de parlores de elinica de sirca 5000 en Venezia. La venezianes ia governa Criti, Dalmasia e isolas e sites con portos de la impero antica de cual la popla ia aumenta par causa de la refujadas de otra provinses bizantian ci ia prefere governa venezian e no osmanian. Criti ia es spesial notable par la Scola Criti de depinta de icones, cual pos 1453 ia deveni la plu importante de la mundo elinica.

Contribuis de la eruditas bizantian a la Renase italian[edita | edita la fonte]

An si ideas de Roma antica ia es popular con la eruditas de la sentenio 14 e sua importa per la Renase ia es nonegable, la lesones de la sabe elinica traeda par eruditas bizantian ia cambia de la curso de Umanisme e de la Renase mesma. En cuando la conose elinica ia afeta tota la sujetos de la studia humanitatis, istoria e filosofia en spesial ia es multe afetada par la testos e ideas traeda par Bizantion. Istoria ia cambia par la redescovre e estende de la scrivedas de istoristes elinica, e esta conose de tratas istorial elinica ia aida la sujeto de istoria deveni un gida de vive virtuosa fundida sur la studia de la avenis e poplas pasada. L:a efetos de esta conose renovida de istoria elinica pote es videda en la scrivedas de la umanistes sur virtua, cual ia es un tema popular. Spesial, esta efetos es mostrada en la esemplos donada par la anticia elinica cual mostra virtua como ance vilia. La filosofia no sola de Aristotele ma ance de Platon ia afeta la Renase causante debates sur la loca de la om en universo, la nonmortalia de la spirito, e la capasi de la om de boni se mesma tra virtua. La flori de scrivedas filosofial en la sentenio 15 ia revela la efeto de la filosofia e la siensa elinica en la Renase. La influe de esta cambias ia dura sentenios pos la Renase no sola en la scrivedas par la umanistes, ma ance en la educa e valuas de Europa e la sosia ueste an oji.

Deno Geanakopoulos en sua obra sur la contribui de la eruditas bizantian a la Renase ia resoma sua enflue en tre cambias a la pensa de la Renase:

  1. En la sentenio 14 temprana Firenze de la asentua temprana sentral sur retorica a un sur filosofia metafisical par introduinte e reinterpretente la testos platonal,
  2. En Venezia-Padova reduinte la domina de la Aristotele averroiste en siensa e filosofia par completinte lo ma no cambiante lo entera con tradisiones bizantian cual ia usa comentores antica e bizantian sur Aristotele,
  3. e temprana en la prima dui de la sentenio 15, tra la asentua no sur cualce scola filosofial ma tra la produi de varia plu autentica e fidable de testos elinica pertinente a tota campos de umanisme e siensa e relatada a la Padres elinica de Eglesa. Un pico min importante ia es sua enflue direta o nondireta sur esejese' de la Atesta Nova mesma tra inspira de Bessarion de la coretis de Lorenza Valla de la Vulgata latina fundinte sur la testo elinica.

Fontes[edita | edita la fonte]

  • Deno J. Geanakoplos, Byzantine East and Latin West: Two worlds of Christendom in Middle Ages and renaissance. The Academy Library Harper & Row Publishers, New York, 1966.
  • Deno J. Geanakoplos, (1958) A Byzantine looks at the renaissance, Greek, Roman and Byzantine Studies 1 (2);pp:157-62.
  • Jonathan Harris, Greek Émigrés in the West, 1400-1520, Camberley: Porphyrogenitus, 1995.
  • Louise Ropes Loomis (1908) The Greek Renaissance in Italy The American Historical Review, 13(2);pp:246-258.
  • John Monfasani Byzantine Scholars in Renaissance Italy: Cardinal Bessarion and Other Émigrés: Selected Essays, Aldershot, Hampshire: Variorum, 1995.
  • Steven Runciman, The fall of Constantinople, 1453. Cambridge University press, Cambridge 1965.
  • Fotis Vassileiou & Barbara Saribalidou, Short Biographical Lexicon of Byzantine Academics Immigrants to Western Europe, 2007.
  • Dimitri Tselos (1956) A Greco-Italian School of Illuminators and Fresco Painters: Its Relation to the Principal Reims
  • Nigel G. Wilson. From Byzantium to Italy: Greek Studies in the Italian Renaissance. Baltimore: Johns Hopkins University Press, 1992.