Eda de Bronze en Xina

De Vicipedia
Jump to navigation Jump to search
La pasaje de la neolitica a la eda de bronze en Xina norde e la stepes de Asia sentral
Un vaso de bronze con du manicos, de la dinastia Shang (1600 a 1046 aec
Un contenador bronze con un motif de dragones intertexeda, de la periodo de primavera e autono (722–481 BC)

En Xina, la fabricadas de bronze la plu temprana ia es trovada en la loca de la cultur Mijiayao (3100 a 2700 aec).

La terma "la eda de bronze temprana" es a veses usada como egal a la Dinastia Shang e preistoria xines (sentenios 16 a 11 aec), e "la eda de bronze tarde" como la Dinastia Zhou (sentenios 11 a 3 aec). Ma on pote vide ce la eda de bronze como definada par sua aveni en Europa e Asia sude-ueste ia no fini vera en Xina, car on no ave un clar cambia a un eda de fero. En Xina, la bronze (con la arte de jada) ia es videda como la materia prima per arte ritual cuando comparada con fero o petra. Petra ia deveni popular sola per tombas de la Han pos influe de India, recambiante per la usa de lenio.

La usa de bronze en Xina ia orijina en la periodo Erlitou, cual alga istoristes ia suseste pone lo en la eda de la Dinastia Shang. Otras ia crede ce la locas Erlitou parteni a la Dinastia Xia presedente. En cada caso, lo pare ce la usa de bronze ia fini subita a la desintegra de la rena de la Dinastia Zhou ueste.

La usa vasta de bronze en metalurjia xines dati a un periodo sinifiante plu tarde, probable la resulta de influe de la ueste, posible via la cultures de Xinjiang. Ma lo es ance posible ce la usa de bronze ia developa separada en Xina, con la ojetos de bronze la plu vea ia es descovreda a la loca Majiayao en Gansu, e no en Xinjiang.

La Dinastia Shang de la vale de la Rio Jala ia deveni potiosa pos la Dinasta Xia sirca 1600 aec. La plu de informa sur la Dinastia Shang es de la scrive sur osos de oraculo (cascas de tortugas, scapulas de boves, etc) cual ave glifos cual formi la arcivo prima de scrive xines.

Fero ia es trovada de la Dinastia Zhou, ma sua usa es minima. Leteratur xines datida de la sentenio ses aec indica sabia de fonde fero, ma bronze ia continua ave la sinifia xef per alga tempo plu. La usa de fero no ia pasa bronze asta la sentenio du aec.

Ojetos de bronze xines ia es fabricada per usa, como punto de lansas, testas de axias, otra armas, e utiles comun. Bronze es ance usada per fabrica cosas ritual, cual es varias plu detaliosa de vasos dial en materiales cara. Los tende es multe decorada, comun con la motif taotie, con fases de animales multe stilida. Otra decoras inclui demones, animales stilida, e simboles astrata. Multe bronzes ave enscrives moldida cual es la parte la plu grande de la scrives temprana cual ia aida la istoristes e arceolojistes reconstrui la istoria de Xina, spesial de la Dinastia Zhou.

La bronzes de la Dinastia de Zhou ueste inclui partes de istoria no trovada en otra testos comun composada par persones de state e an clase nonserta. Plu, la bronze moldida ia ave un permane no posible per manuscritos. La enscrives pote conteni referes a dato e loca, la nom de un aveni onorada, un liste de donadas a la artisan per la bronze, e un dedica. Estas dona la rexercor un indica de la tempo e loca de la periodo, permetente ce los trasa la evolui de la vasos e la avenis ce los descrive.

Cultures[edita | edita la fonte]

De norde a sude:

Otra locas[edita | edita la fonte]