Cultur arabi

De Vicipedia
Jump to navigation Jump to search

La cultur arabi es la cultur de la arabis, de la Mar Atlantica a la este de la Mar arabi en la este, e de la Mar Mediteraneo. Lingua, leteratur, cosini, arte, cosini, arte, arciteta, musica, spiritalia, filosofia, misticisme, etc es partes de la erita cultural de la arabis.

Leteratur[edita | edita la fonte]

La leteratur arabi es la colie de scrivedas produida par parlores de arabi. Lo inclui no sola obras scriveda en la alfabeta arabi ma ance en otra linguas como la leteratur farsi o urdu. La parola arabi per leteratur es "adab", cual deriva de un parola cual sinifia "invita algun a un come" e implica cortesia e cultur. La leteratur arabi ia emerji en la sentenio 6, con ce sola fratos de lingua scriveda apare ante alora. La Curan, de la sentenio 7, ia ave la influe la plu grande e longa en la cultur arabi.

Musica[edita | edita la fonte]

La musica arabi es la musica de la popla arabi, spesial lo sentrida sirca la Penisola Arabi. La mundo de la musica arabi ia es dominada par Qahira, un sentro cultural, an si la inova musical e stilos rejional abunda de Tunis a Arabi Saudi. Berut en anios resente ia deveni un sentro importante de musica arabi. La musica clasica arabi es multe popular, spesial de un cuantia peti de stelas conoseda tra la mundo arabi.

Sosia[edita | edita la fonte]

Fida sosial es de importa grande en la cultur arabi. La familia es un de la aspetas la plu importante de la sosia arabi. An si individuia e obliga es enseniada par jenitores a sua enfantes, la fida familial es plu importante. Diferente a individuia estrema, la sosia arabi asentua la importa de la grupo. La cultur arabi ensenia ce la nesesa de la grupo es plu importante ca la nesesa de un person.

Cosini[edita | edita la fonte]

Orijinal, la arabis de la Penisola Arabi ia depende de un dieta de datilos, trigo, orzo, ris e carne, con poca varia e un asentua grande a produis de iogurte como leben (لبن) (iogurte con gras de bur). La cosini arabi de oji es la resulta de un combina de cosinis diversa, estendente a tota la mundo arabi e ajuntante la cosinis lubnani e misre, entre otras.