Cultur Baden
La cultur Baden, sirca 3600 a 2800 aec, es un cultur calcolitica de Europa sentral e sude-este. Lo es trovada en Txesco, Magiar, Polsca, Slovensco, Serbia norde, Romania ueste, e Osteraic este. Emportas de vasos de la cultur ia es ance trovada en Deutxland e Suiz, do lo ia pote es datida par dendrocronolojia. La cultur Baden ia es aprosima contempora con la cultur de vasos embutin, la cultur de amforas globin, e la cultur de vasos cordida temprana.
La vilas ia es tipal locada sur colinas e ia es normal nondefendeda. E enteras e senis ia es comun. En Slovensco e Magiar, la restas senida ia es tipal poneda en un vaso antropomorfe.
La economia ia es miscada. On ave cultiva completa, con la leva de animales domada, incluinte porcos e capras. La cultur ia ave alga de la atestas la plu temprana de modeles de vagones, frecuente con rotas, en vasos, a veses con un manico. On ave enteras de duples de boves cual ia es interpreteda como animales traente. An si on ave no trovas de vagones real, alga espertas pensa ce esta trovas combinada es demostras de la esiste de vagones real.
-
Un esemplo de un vaso antropomorfe -
Axas de cupre, 3500 a 2700 aec -
Vaso con manico
