Cromosoma

De Vicipedia
Jump to navigation Jump to search
Un scema de un cromosoma eucariotal: (1) cromatida; (2) sentromero (3) braso corta (4) braso longa
La organiza de ADN en un celula eucariotal

Un cromosoma (de elinica antica χρωμόσωμα, "color-corpo") es un molecula de ADN con parte o tota de la materia jenetica (pd la jenom) de un organisme. La plu de cromosomas eucariotal inclui istonas (protenas bobinin) cual, con la aida de protenas acompaniante, lia con e condensa la molecula de ADN per preveni lo de deveni un marania nonmanejable.

Cromosomas es normal vidable su un microscopio de lus, sola cuando la selula es envolveda en la metafase de divide (cuando tota cromosomes es aliniada en sua forma condensada). Ante esta aveni, cada cromosoma es copiada un ves (la fase S), e la copia es juntada a la orijinal par un sentromero, resultante en o un strutur semblante un X si la sentromero es locada en la media de la cromosoma, o un strutur de du brasos si la sentromero es locada prosima a un de la finis. La cromosoma orijinal e la copia es aora nomida cromatidas sorin. En metafase, la forma X es nomida un cromosoma de metafase. En esta forma multa condensada, cromosomas es fasil distinguida e studiada. En selulas de animales, cromosomas ateni sua nivel alta de condensa en anafase, cuando la cromosomas separa.

La recombina de cromosomas en meiose e la reprodui sesal seguente ave un rol sinfiante en diversia jenetical. Si esta strutures es manipulada noncoreta, la selula pote developa un desastre de mitose e mori (apoptose). Mutas en la selula pote causa ce lo evita apoptose e resulta con la progresa de canser. Nonormal cromosomas e cuantias noncoreta de cromosomes pote resulta en mutas cromosomal e anomales cromosomal.