Club de Esperanto en London
La Club de Esperanto en London es un asosia de Esperanto en London (Britan), cual ocupa se per estende Esperanto e aranja eventos cultural e educal per membros e esperantistes de otra rejiones e paises. Lo ia es fundida en 1903 e per acel, lo es un de la clubes de Esperanto la plu vea en la mundo. Lo colabora con la Asosia Brites de Esperanto (EAB) e la Asosia Universal de Esperanto (UEA).
En sua vive de plu ca un sentenio, la Club ia aranja multe cosas e ia es respondosa per multe publicis. Ja en 1910, on ia publica en London la tradui de la Biblia par Zamenhof direta de la testo ivri. Lo ia es publicida par la British and Foreign Bible Society (BFBS). En la mesma periodo, un grupo de pretes e inteletosas ci parla Esperanto ia tradui la Atesta Nova. La tradui ia fini en 1912, ma ia aperi en un edita nova con la Atesta Vea en 1926. Lo es conoseda como la Biblia de London. La Club ia organiza en London du congresas universal, la numero 30 en 1938 e la numero 56 en 1971. De 1903 asta aora, la Club aranja cursos de Esperanto sin sesa.