Asembla Baltica

De Vicipedia
Jump to navigation Jump to search
La scermo de la Asembla Baltica

La Asembla Baltica es un organiza rejional cual promove coopera intergovernal entre Esti, Latvia, e Lietuva. Lo atenta trova un orienta comun relativa a multe problemes internasional, incluinte problemes economial, political, e cultural. La desides de la Asembla es un caso de consela, no comanda.

La Asembla es finansiada par la tre governas. La linguas ofisial de la Asembla Baltica es esti, latvisce, e lietuvisce. La xeferia e secreteria de la organiza es locada en Riga, Latvia.

Esti, Latvia, e Lietuva ia es nasiones autonom de 1918 pos la cade de la Impero Rusce. En la comensa de Gera Mundal 1, su la Trata de Ribbentrop-Molotov, los ia es nonlegal juntada par la Uni Soviet en 1940, cual continua per 50 anios.

Su Mihail Gorbatxov, la xef final de la Uni Soviet, la politicas de glasnost e perestroica ia resulta en la restora de autonomia entre 1990 e 1991. La Uni Soviet mesma ia reconose la autonomia de la nasiones a 6 setembre 1991 ante sua disolve plu tarde de acel anio. La prima susede de la Asembla Baltica ia es la retira de soldatos rusce de la tre nasiones.