Arte dejenerada

De Vicipedia
Esibi sur "Arte dejenerada" en Salzburg, 1938.

Arte dejenerada (deutx: Entartete Kunst) ia es un terma adotada per la nazis en Deutxland per descrive la arte moderna. Tal arte ia es proibida per es antideutx, iudi o comuniste en natur, e aceles identifiada como artistes dejenerada ia es punida. Estas ia inclui es refusada per es profesor, es proibida per esibi o per vende e, en alga casos, produi sua obras.

Arte Dejenerada ia es a titulo de un esibi, fada par la nazis en München en 1937. Lo ia es composada de obras de arte moderniste pendeda de forma caososa e acompaniada de un eticetas de testo burlante se de la obra. Desiniada per flami la opina publica contra la modernisme, la esibi ia viaja a diversa sites de Deutxland e Osteraic.

En cuando stilos moderna de arte ia es proibida, la nazis ia promove depintas e scultas cual ia es tradisional en la modo e cual ia loda la valuas de "sangue e solo" de puria razal, militarisme e obedi. Restrinjes simil ia es poneda a musica, cual ia debe es tonal e sin influes de jaz; la musica desaprobada ia es nomida musica dejenerada. Filmas e obras dramal ance ia es sensurada.