Africans en Namibia
An si la sola lingua ofisial de Namibia es engles, la lingua la plu comprendeda es africans. Ambos es usada xef como lingua du per comunica publica.
Africans como lingua temprana de trafica[edita | edita la fonte]
An si parlores de africans ia colonia Namaland (Namibia sude), la prima refere a sua presentia es de 1738. Xasores, comersiones e viajores frecuente ia visita la area, en cuando familias namacua e otras ia colonia la zona. En 1777, Robert Gordon, un ofisior empleada par la United East India Company, ia nomi la rio entre Sudafrica e Namibia la Rio Orania per onora de la Casa Nederlandes de Orange-Nassau. La rio es aora plu comun nomida la Gariep, un pronunsia africans de la nom en la lingua khoekhoegowab !Garib, cual sinifia "rio".