Taekwondo
La taekwondo (태권도; 跆拳道; en alfabeta fonetical internasional: [tʰɛk͈wʌndo]), ance grafiada Tae Kwon Do o Taekwon-Do, es un arte militar e sporte de combata con sua fonte en Corea. Esta es multe conosida e popular per la mostra de sua tecnicas de pede, e a esta ora esta es un de la artes militar la plu popular de la mundo, con miliones de aderores en la mundo.
Istoria[edita | edita la fonte]
Seguente tradision, la developa de taekwondo ia comensa sirca 2000 anios a ante, ma vera esta es clamada "taekwondo" de sirca 1955. Oji esta ia deveni un sporte multe estendeda. En la Juas Olimpial de Seoul, Corea Sude, de la 1988 la taekwondo ia fa sa prime apare en esta concurso como un sporte de esibi. En esta aveni 183 atletas (120 omes e 63 donas) de 34 paises variosa en 8 diferente divisiones de peso per omes como per donas ia compete. En la Juas Olimpical de Barselona 92 esta ia continua como un compete de esibi, e lo es sola en la Juas Olimpical de Sydney 2000 ce esta ia deveni un sporte olimpial ofisial.
Cualias[edita | edita la fonte]
Tae-kwon-do significa "via de la pede e punio". Lo es notable ce esta arte militar no es fundada sola en la usa de la pedes como multe persones crea; multe tecnicas de taekwondo usa la codo, la mano, e la jeno.