Notre Dame de Paris

De Vicipedia
La Notre Dame de la Tore Montparnasse
La catedral en flamas, 2019

Notre-Dame de Paris (sinifiante "Nosa Seniora de Paris") es un catedral catolica medieval sur la Ile de la Cite ("isola de la site") en Paris, Frans. Lo es judida como un de la esemplos la plu eselente de arciteta gotica franses. La construi ia comensa en 1160 su la Bispo Maurice de Sully e ia es cuasi completeda per 1260. Lo ia sufri viole en la Revolui Franses en la desenio de 1790, e multe scultas ia es danada o destruida. En 1804, la catedral ia es la loca de la coroni de Napoleon como Imperor de Frans.

En cuando la teto ia es renovida e restorada, lo ia ensende a 15 april 2019. Lo ia arde per sirca 15 oras, la catedral ia sufri dana seria, incluinte la destrui de a pinaculo e la parte la plu grande de la teto supra la sofito voltida de petra. La pompores ia pote salva la fasada, tores, mures, contrafortes, organo de pipas, e fenetras de vitro colorida. Scultas sur la pinaculo ia es retirada per limpi e relicias ia es salvada durante la foco, ma sesiones de la sofito de petra ia colasa. Prima investigas indica ce la strutur ia resta secur. Presidente de Frans, Emmanuel Macron, ia promete ce la Notre Dame va es reconstruida, ma la dura nesesada es corente nonserta.