Geoffrey Chaucer
Geoffrey Chaucer pronunsia en elefen /xosar/ (s. 1343 – 25 otobre 1400), conoseda como la padre de la leteratur engles, es comun regardada como la poesiste engles la plu grande de la eda medieval e la poesiste prima ci ia es enterada en la Angulo de la Poesistes en la Abaderia de Westminster.
El ia ateni fama en sua vive como autor, filosofiste e astronomiste, composante un tese siensal sur la astrolabio per sua fio Lewis ci ia ave des anios. Chaucer ia manteni ance un carera ativa en sua servi publica como burocrata, om de corte, e diplomata. Entre sua obras es La Libro de la Duxesa, La Casa de la Fama, La Lejenda de la Bon Fem e Troilo e Criseida. Sua obra la plu conoseda es La Naras de Canterbury.
El ia es un figur esensal en la aseta leteratural de la forma demotica de engles media, en la tempo cuando la linguas leteratural en England ia es franses e latina.